Овај насловот нема намера да ве навреди туку да ве воведе кон темата за која што сакам да раскажам, тема за денес е полскиот комуникатор Гаду-Гаду.
Зошто се решив да напишам за него? Затоа што ме победи. Едно време си користев јас фино-лепо ај си кју, па ирц, па ем ес ен, и фино ми беше. Арно ама дојде ден кога решив дека треба он-лајн да се комуницира и со луѓе од поблиската ми околина пред се заради практични причини од типот на – кога ке излегуваме, или кои беа прашања за испитот или што ти га знам ја – како си поминавте вчера.
Тогаш невино се убедував да наметнам ај си кју број или нешто слично, али није то било могуче. Луѓево веке беа навлечени....
Видов не видов инсталирав, и видов не видов почнав да го користам, и така остана до ден денес.
Феноменот е следеќи
Пред едно 7 години еден млад надежен дечко реши да не излегува некое време од дома и пиејќи хектолитри кафе и јадејќи многу нарачана пица не само што се здебели неколку кила туку и го напиша полскиот патриотски комуникатор. Од тогаш луѓето поминуваат со него огромен дел од денот на работа и дома. Служи како телефон, секретарка, испракач на пораки, радио, и гледач на дневни состојби на познатите ни луѓе (многу е популарно, без разлика дали си оф или онлајн да оставаш опис покрај никот од типот – смислата на животот, стихови од најомилена песна, дневна доза на фрустрации или жалење по повод мамурлук).
Истиот тој тип кој се здебели и остана дебел до ден денес, на возраст од рани триесетти решава дека повеќе не мора да работи до крајот на животот. Неговото Гаду-Гаду е вредно стотици милиони злоти. Го шитна паметно а си остави 20 посто кои му се повеќе од доволни. И сега, слично како еден од основачите на Гугл, не прави ништо особено. Т.е се занимава со патронирање на млади левичарски организации, иако активно не учествува во нив.
Бившиот сопственик на Гугл решил да батали сфе и до крај на животот да вежба јога, или така нешто, не е битно.
Што е убавината на ГГ?
Одговор – ужасен е, има катастрофа графика (а ла њиндоњс 3.11), нема ни 0.1 % опции како оние на ај си кју, апсолутно е анрилајабл, т.е пораки редовно се губат а компјутери редовно губат пликови (не знам за последното до кој степен е точно). На кратко – не знам што пољаците се замараат со комуникатор со глупаво име и уште поглупав изглед. (на стартбарот има сонце, моменталниот опис ми е дека животот е срање, да се вклопам во толпата)
Зошто ГГ го користат над 5 милиони луѓе во Полска? И тоа секојдневно, секојсатно и семинутно?
Одговорот е едноставен и многу објаснува за Полска и пољаците
ГГ е полски производ. Пољаците би сакале се да биде полско, сите да зборуваат полски и да бидат избран народ (како што објаснував порано)
Тоа се гледа секојдневно во се, ама буквално. Се гледа по полонизирањето на секое странско име – на пример Џорџ на полски е Јежи а Лора Палмер на секаде на светот се вика Лора Палмер ама на полски е ЛАУРА ПАЛМЕР. А Твин Пикс пак, од своја страна на секаде на светот се вика Твин Пикс ама не...на полски е Гратчето Твин Пикс.
Било што да е ПОЛСКО ДА Е!
И тоа без кампањи од типот – купувајте производи со бело орелче (симбол на грбот на Полска)
Него прашање...зошто нема македонски комуникатор?
- тешко е да се направи?
- Нема никој да го користи?
- На никој не му се прави?
- Џабе ко сите ќе користат ем ес ен?
Има а јас појма немам за тоа (посибл)
4 коментари:
Точниот одговор на прашањето „зошто нема македонски комуникатор?“ би ти бил под 3 (или в) цртичката:
На никој не му се прави, т.е. преведува. На www.sourceforge.net има еден куп опен сорс комуникатори развивани за различни платформи со различни алатки и програмски јазици, само треба некој да си одбере еден, да го преведе и воала... ете македонски комуникатор, плус опен сорс.
Баш би сакал некој да ме демантира, посебно некој од опен сорс заедницата во Македонија.
Ај само ќе те поздравам. Три пати бришав коментаров, како некое дериште. Зборот ми беше, нека те има како што те имаше месецов.Поздрав
И јас немам чуено за МК месинџер. Инаку, не би требало да биде тешко да се направи, на пример може да се земе некој open source и да се надгради, преведе и воопшто локализира.
Ме изнасмеа со гаду-гаду :). И, ме потсети на мојот културен шок од слични размери додека живеев во Словенија... а-ла „гратчето твин пикс“. А мислам дека македонски гаду-гаду нема некоја иднина. Ама не од што не не' бива. Од што сме забегале во себе-уништување на се она што не прави некаков народ. И баш ни е гајле.
Ние еден јазик не знаеме да си го цениме доволно - слушаме секој ден нови зборови склепани од тв-водители кои по 5 години ќе ни се појават по речниците. Слушаме „конекција“, „брендирање“ и ги величаме политичарите чија последна книга била Возот в Снег и кои не знаат ни акцентот да го стават кај што треба. Слушаме зборови гЕнерално, опозИцијата. Лекторирањето кај нас, каков статус има? Optional, voluntary, ако ти се ќефне? Стварно не знам, прашувам. :) Не знам ни во Словенија какви се институционалните рамки за зачувување на јазикот, ама од тоа што се гледа, мора да се јаки. Словенците не ги изговараат филмовите „туин пикс“, „ритрн оф д џедај“, туку ги кажуваат со нивните словенски имиња. Кај нас евентуално ќе чуеш Повратак џедаја .)
Ние не се трудиме се' да македонизираме - ние се трудиме се' туѓо да прифатиме со предубедување дека тоа е секогаш подобро. Затоа ни е чудно полонизирањето и словеншчината. Кај нас акцијата „купувајте македонски производи“ не успева затоа што ние сме убедени дека флориол маслото, чим е направено некаде во странство (пожелно на запад), мора да е подобро од Брилијант. Додатно, некој не' тера да купиме нешто и тоа уште толку не' иритира.
Ете затоа мислам дека мк-гаду-гаду нема иднина... полските побуди нам ни се едноставно несфатливи.
Што е најглупо, сите ова го знаеме и на вакви текстови викаме „да, да...“. И извини што ова цел пост испадна...
Објави коментар